Saturday, May 10, 2025

Level 3; Sonnenschein; Prō Patriā [8]; Castellum Rutupīnum [4] [i]

Tum Alexander "Calēdonia" inquit "ut spērō, numquam subiecta fuit Rōmānīs: nam maiōrēs meī ex Calēdoniā oriundī sunt." Nōs cachinnāmus.

Et patruus meus "Calēdonēs per quattuor illa saecula saepe rebellāvērunt, et Rōmānōs bellō vexāvērunt. Itaque necesse fuit Hadriānō, quī secundō saeculō post Chrīstum nātum prīnceps Rōmānōrum fuit, magnum illud vallum inter Luguvallium et Pontem Aelium vel Segedūnum aedificāre; cuius reliquiae hodiē spectantur. Et Antōnīnus Pius, quī post eum prīnceps fuit, alterum vallum in ipsā Calēdoniā inter Clōtam et Bodotriam aedificāvit: cui nōmen hodiernum est Graham's Dyke. Initiō tertiī saeculī Septimius Sevērus, quem Rōmānī paucīs annīs ante prīncipem creāverant, maximam expedītiōnem contrā Calēdonēs comparāvit; posteā autem ipse aegrōtāvit et Eburācī exspīrāvit. Quō annō quīnquāgintā mīlia Rōmānōrum ā Calēdonibus trucīdāta fuisse narrantur."

Tum Alexander exclāmat "Euge, optimē! Ō sī sīc omnēs."

Et patruus meus "Tūne, Alexander" inquit "Pictus es?"

Et ille "Scōtus sum" inquit.

Et patruus meus "Sed nōn Celticā orīgine es: nam nōmen tuum et frātris tuī Germānicum est. Pictī et Scōtī illī quī in Calēdoniam migrāvērunt Celtae erant."

Et ille "Nōnne tōtī īnsulae nostrae nōmen est Britanniae? Nōnne omnēs Britannī sumus?"

Et patruus meus "Ita est" inquit; "nōmen Britanniae ā Britannīs oriundum est. Sed nōs ipsī ex multīs et dīversīs nātiōnibus oriundī sumus. Maxima pars Anglōrum et Scōtōrum hodierōrnum Germānicā orīgine sunt."

Tum ego "Parentēs meī" inquam "Celticā orīgine sunt; nam nōmen nostrum Celticum est."

Sed patruus meus "Tū, Antōnī, in Āfricā Merīdiānā nātus es; itaque Āfricānus es!"

Et ego "Āfrica Merīdiāna pars imperiī Britannicī est; itaque Britannus sum."

Et ille "Ita est" inquit; "ubi lībertās, ibi patria est."

Note:

Quīnquāgintā mīlia Rōmānōrum ā Calēdonibus trucīdāta fuisse narrantur. │ 50,000 Romans are said to have been slaughtered by the Caledonians.

Exercises

[1] Find the Latin

  1. It was necessary for Hadrian, who was the leader of the Romans …
  2. Antonius Pius, who was the leader after him …
  3. Septimus Severus, whom the Romans had chosen as leader …
  4. And its remains are seen … [literally: (and) the remains of it / which …]
  5. And its name today is … / and today it has the name … [literally: (and) the name to it / which is …]
  6. And in that year … [literally: (and) in which year]
  7. Those Picts and the Scots who migrated …

[2] Translate the following extracts from the text noting in particular the words in bold:

  1. nōn Celticā orīgine es
  2. Maxima pars Anglōrum et Scōtōrum hodierōrnum Germānicā orīgine sunt.
  3. nōmen Britanniae ā Britannīs oriundum est
  4. maiōrēs meī ex Calēdoniā oriundī sunt
  5. nōs ipsī ex multīs et dīversīs nātiōnibus oriundī sumus
  6. posteā autem ipse aegrōtāvit
  7. alterum vallum in ipsā Calēdoniā … aedificāvit
  8. Calēdonia … numquam subiecta fuit Rōmānīs
  9. Nōnne tōtī īnsulae nostrae nōmen est Britanniae?

[3] Identify the case in bold and explain why it is being used:

  1. Eburācī exspīrāvit.
  2. Tū, Antōnī, in Āfricā Merīdiānā nātus es.
  3. Initiō tertiī saeculī
  4. paucīs annīs ante

https://en.wikipedia.org/wiki/Antonine_Wall

By Hadrians_Wall_map.png: Created by NormanEinstein, September 20, 2005derivative work: Talifero (talk) - Hadrians_Wall_map.png, CC BY-SA 3.0, https://commons.wikimedia.org/w/index.php?curid=15121382

at